Мурожаат учун телефонлар:
(102) Тезкор
(1102) Ишонч
» » Дўстликда психотроп моддалари олиб кетаётган шахс ушланди

Дўстликда психотроп моддалари олиб кетаётган шахс ушланди

15 октябрь 2019, Вторник
101
0

Дўстлик туманида ўтказилган “Қорадори – 2019” тадбири давомида туман ҳудудидаги “Манас-14” йўл патрул хизмати масканида Жиззах шаҳар, “Маданият” маҳалласида истиқомат қилувчи фуқаро М.А.нинг “Нексия” русумли машинасида қонунда тақиқланган психотроп дори-воситалари борлиги аниқланди.

Ҳуқуқни муҳофаза қилувчи орган ходимлари автоуловни текшириши натижасида машинадан жами 160 дона “Трамадол-Ланнахер” таблеткалар чиқди.

Мазкур воқеа юзасидан вилоят ички ишлар бошқармаси ҳамда Давлат хавфсизлик хизмати ходимлари олиб борган суриштирув ишлари давомида М.А. психотроп дори-воситаларини 950 минг сўм пул эвазига маҳалладоши И.М. буюртмасига асосан Тошкент шаҳридан олиб келаётганини билдиради.

Вилоят ИИБ тергов бошқармаси томонидан И.А нинг яшаш уйида тинтув ҳаракатлари ўтказилганда 5 дона “Трамадол-Ланнахер” таблеткаларини сақлаб келаётганлиги маълум бўлди.

Ҳолат юзасидан Ўзбекистон Республикаси Жиноят кодексининг 273-моддаси 5-қисми билан жиноят иши қўзғатилган.

скачать dle 12.0
Муҳокама қилиш
Фикр билдириш
Изоҳ (0)
Фойдали ҳаволалар