Арнасой тумани, Ғафур Ғулом МФЙ, Амир Темур кўчасида яшовчи, “Сангзор” фермер хўжалиги ишчиси Ж.Э. туман ички ишлар бўлимига мурожаат этиб, фермер хўжалиги даласидан икки бош қорамолини кимдир ўғирлаб кетганини маълум қилган. Олиб борилган тезкор суриштирув давомида жиноятни Қашқадарё вилояти, Косон тумани, Алачабоп ҚФЙ ҳудудида яшовчи С.М. содир этганлиги аён бўлди.
У чорва молларини Косон туманидаги “Алатан” мол бозорида сотиб юборганлигини маълум қилди. С.М.дан 6 миллион 910 минг 500 сўм пуллар далилий ашё сифатида олинган. Ҳолат юзасидан тегишли тартибда жиноят иши қўзғатилган.