Жиззах вилояти ички ишлар бошқармасининг ахборот технологиялари, алоқа ва ахборотни ҳимоялаш бўлими томонидан ҳаракат хавфсизлигини таъминлашга қаратилган бир қатор тадбирлар амалга оширилмоқда. Жумладан, вилоят марказидаги 6-ўрта умумтаълим мактаби қаршисида тўхташ тугмаси ўрнатилди. Бу тугма босилиши билан пиёдалар йўлаги рўпарасидаги светофор пиёдаларга йўлни очади.
Худди шундай, йўлдаги зебра чизиқларининг энг чеккадагилари асфальт орасига ўрнатилган чироқлар таъсирида ўчиб-ёна бошлайди. Мазкур инновацион тадбир йўлларда кўнгилсиз ҳодисаларнинг олдини олишга хизмат қилиши тайин.
Жиззах вилояти ИИБ ахборот мультимедиа гуруҳи.