Жиззах вилояти, Зомин тумани, Қизилсой қишлоғида яшовчи, 1993 йилда туғилган К.Х. шу туманнинг Аччи қишлоғида яшовчи қайтнотаси, 1964 йилда туғилган Б.И.га тан жароҳати етказган. Маълум бўлишича, куёв ўз турмуш ўртоғини урган. Бундан хабар топган қайнота эса қизи ва куёви яшаётган уйга боради.
Даҳанаки жанжал куёвнинг қайнотасини тепиши билан якунланган. Тиббий экспертиза жабрланувчига соғликнинг бузилишига олиб келган ўртача оғирликдаги тан жароҳати етказилганлигини кўрсатди. Ҳолат бўйича белгиланган тартибда жиноят иши қўзғатилган.
Жиззах вилояти ИИБ Ахборот хизмати