Пахтакорда велосипед ўғриси ушланди

Пахтакор тумани, Пахтакор ҚФЙда яшовчи, 31-сонли умумтаълим мактаби ўқитувчиси Э.Т. туман ички ишлар бўлимига мурожаат этиб, мактаб ҳовлисидан велосипедини кимдир ўғирлаб кетганлигини билдирган. Суриштирув давомида велосипедни муқаддам ўғрилиги учун судланган, айни вақтда ахлоқ тузатиш жазосини ўтаётган А.С. содир этганлиги аниқланди.

Тергов давомида у яна учта велосипедни ўғирлаганлигини тан олган. Айтганча, ўғирланган велосипедларнинг 2 таси муаллимларга тегишли бўлган. Қисқаси, А.С. бировларнинг уловида кўзлаган манзилига етолмади. Яна ҳам аниқроғи, ойнаси панжарали машинада бошқа манзилга элтиб қўйишди.

Жиззах вилояти ИИБ ахборот мультимедиа гуруҳи томонидан тайёрланган.