Фирибгарлик билан шуғулланган шахсга жиноий иш очилди

Фориш тумани, Қорабдол ҚФЙда яшовчи Н.Д. Шароф Рашидов тумани, Нурафшон МЙФ, Хоразм кўчасида истиқомат қилувчи қассоб Х.Б. 5 та қорамолини сўйиб олиб кетганлиги ва гўшт учун тўлаши керак бўлган 40 миллион сўмни бермасдан келаётганлиги юзасидан Шароф Рашидов тумани ИИБга ариза ёзган. Суриштирув давомида Х.Б бошқалардан ҳам шу йўл билан гўшт олиб фирибгарлик қилганлиги аниқланди.

Жумладан, Ш.Рашидов тумани, Қангли МФЙда яшовчи З.Ў.нинг 2 бош, И.А.нинг 2 бош, Нурафшон МФЙда истиқомат қилувчи К.А.нинг 2 бош, Файзиобод МФЙда истиқомат қилувчи Ж.А.нинг 1 бош қорамолларининг гўштини олиб, шу кунга қадар қайтариб бермаганлиги аён бўлди. Ҳолат юзасидан жиноят иши қўзғатилган.