Чорва моллар фермернинг ерини пайҳон қилди

Пахтакор тумани, Гулистон сув истеъмолчилари уюшмаси таркибидаги “Ғаллаорол жавоҳири” фермер хўжалиги пахта майдонини туманнинг “Мингчинор” ҚФЙ, Б.Қўнишев кўчасида яшовчи С.Т.га қарашли икки бош қорамол пайҳон қилганлиги аниқланди. Фермерга етказилган зарар 600 минг сўмни ташкил этган.

Шунингдек, мазкур туманнинг “Пахтакор” ҚФЙ, “Янгиобод” кўчасида яшовчи Ш.А.га тегишли қорамол “Пахтакор” сув истеъмолчилари уюшмаси ҳудудидаги “Чақмоқ жаранги” фермер хўжалигининг пахта майдонини пайҳон этганлиги маълум бўлди. Ҳар икки ҳолат юзасидан Пахтакор тумани ИИБ томонидан суриштирув ишлари олиб борилмоқда.

Жиззах ИИБ Ахборот мультимедиа гуруҳи.